O Nadal é máis que unha época de luces e agasallos; é un momento de emocións, familia, amigos e compartir recordos. Para as marcas representa unha oportunidade única de conectar cos usuarios dunha forma máis auténtica e emocional. Nun mundo asolagado de publicidade, o storytelling posiciónase como unha ferramenta diferenciadora nas campañas de márketing do Nadal.

Que é o storytelling e por que é clave en Nadal?

O storytelling é unha ferramenta que se basea en contar historias que emocionan, inspiran e conectan aos usuarios. En Nadal, cando a maior parte das persoas está máis receptivas a mensaxes emotivas, relatar unha boa historia pode marcar a diferenza entre unha campaña que pasa desapercibida e unha que se pode quedar gravada no público para sempre.

Por que as marcas usan o storytelling en Nadal?

Utilizar o storytelling ten múltiples vantaxes para as marcas:

  • Emprega as emocións universais: utilizar a nostalxia, alegría ou xenerosidade axuda a crear empatía entre a audiencia.
  • Xera unha conexión emocional: os sentimentos conseguen que os usuarios lembren a marca máis facilmente.
  • Incrementa a fidelización: os consumidores que conectan emocionalmente cunha marca teñen máis probabilidades de elixila nun futuro.
  • Aumenta o recoñecemento de marca: as historias memorables axudan a que as marcas destaquen nun mercado saturado de anuncios do Nadal.
  • Impulsa o compromiso nas redes sociais: as campañas emocionais adoitan ser compartidas máis veces.

Casos de éxito: exemplos de storytelling do Nadal que marcaron a diferenza

O Corte Inglés e o seu inicio do Nadal

“Xa é Nadal no Corte Inglés” pode ser unha das frases máis recoñecidas desta época. Do mesmo xeito que o seu anuncio deste ano, que se fixo viral nas redes sociais pola historia detrás de “Unha aventura de Nadal na planta 2 ½ do Corte Inglés”.

 

No anuncio de 2023 un neno descubría a planta 2 ½, este ano déronlle continuidade á narrativa e este neno leva aos seus incrédulos amigos a descubrir ese espazo de maxia e fantasía. Todo iso musicalizado coa canción “A maxia se queres vela, se queres vela”.

Lotería de Nadal

Os anuncios do Nadal de Loterías e Apostas do Estado levan anos sendo un referente en storytelling. Cada ano as súas historias apelan a valores como a solidariedade e a esperanza. Con iso logran emocionar e conectar con millóns de persoas.

O seu último vídeo “Compartilo é extraordinario” é unha emotiva historia que combina a soidade e a camaradería, axudando a reforzar a mensaxe de unión e esperanza.

El Almendro e a súa volta a casa polo Nadal

Outro clásico dos anuncios con historias detrás son os comerciais del Almendro, sempre baixo a mensaxe “Volve a casa polo Nadal”.

A última cuña publicitaria continúa coa súa temática tradicional, evocando sentimentos de pertenza e unión familiar.

Crea historias que inspiren e conecten

O storytelling en márketing do Nadal non é só unha estratexia; é unha forma de transmitir emocións e valores que conecten coa túa audiencia. Unha boa historia pode aumentar o recoñecemento da túa marca, impulsar a fidelidade dos teus clientes e, sobre todo, deixar unha pegada duradeira na súa memoria.

Este Nadal, deixa que as historias falen pola túa marca. Inspira, emociona e crea recordos inesquecibles que conecten ao teu público contigo.

Listo para incorporar o storytelling na túa estratexia do Nadal? Comparte este artigo e cóntanos: cal é a túa campaña de márketing do Nadal favorita?